ဌာနအကြောင်း မိတ်ဆက်

Cheongju တက္ကသိုလ် စွမ်းအင် စုစည်းပေါင်းဆုံမှုပညာ မဟာဘွဲ့ကို 2014 ခုနှစ်တွင် လောလောလတ်လတ် တည်ထောင်ခဲ့ခြင်းဖြစ်ပြီး 21 ရာစု၏ တိုးတက်မှုမောင်းနှင်အားအသစ်ဖြစ်သော 'ပြန်လည်ပြည့်ဖြိုးမြဲ စွမ်းအင်ဆိုင်ရာ စနစ်သစ်' နှင့် တစ်ပိုင်းလျှပ်ကူးပစ္စည်းနှင့် ဖန်သားပြင် လုပ်ငန်းနယ်ပယ်များကို ချိတ်ဆက်ပေးသော 'အရန်ဘက်ထရီ' တို့ကို အဓိကထားလျက် စွမ်းအင်ကဏ္ဍကို ဖန်တီးရန်၊ တိုးတက်စေရန်နှင့် ဦးဆောင်ရန် ‌ဆောင်ရွက်ပါသည်။ ရည်ရွယ်ချက်မှာ လျှပ်စစ်နှင့် အီလက်ထရောနစ်၊ တစ်ပိုင်းလျှပ်ကူးပစ္စည်း၊ ရူပဗေဒ၊ ဓာတုဗေဒနှင့် ဝထ္ထုပစ္စည်းဆိုင်ရာ အင်ဂျင်နီယာပညာတို့ကို ပေါင်းစပ်စုစည်းနိုင်သည့် အတွေးအခေါ်‌ကို ရရှိပိုင်ဆိုင်စေရန် မဟာဌာနမှ ဆရာ/ဆရာမများ၏ သီအိုရီနှင့် လက်တွေ့ပိုင်း ဟန်ချက်ညီညီပို့ချမှုနှင့်အတူ လက်တွေ့နယ်ပယ်နှင့် ကိုက်ညီအောင်ပြောင်းလဲနိုင်စွမ်းနှင့် သုတေသနစွမ်းရည်များကို မြှင့်တင်နိုင်သူ အရည်အသွေးမြင့် ပညာရှင်များ မွေးထုတ်နိုင်ရေး ဖြစ်ပါသည်။

ပညာသင်ကြားခြင်း၏ ရည်ရွယ်ချက်နှင့် ရည်မှန်းချက်များ

ဆိုလာစွမ်းအင် ထုတ်လုပ်ခြင်းနှင့် စွမ်းအင်သိုလှောင်မှု လုပ်ငန်းနယ်ပယ်များကဲ့သို့သော တိုးတက်မှုမောင်းနှင်အားအသစ်များ ပေါ်ထွက်လာခြင်းကို အထောက်အကူပြုနိုင်ရန် ကမ္ဘာ့အဆင့်ပညာရေးနှင့် သုတေသနစွမ်းရည်များအား မြှင့်တင်ပေးမည်ဖြစ်ပြီး အနာဂတ်တွင် ‌ဂေဟစနစ်နှင့်ကိုက်ညီသော စွမ်းအင်နယ်ပယ်ကို ဦးဆောင်မည့် တီထွင်ဖန်တီးနိုင်စွမ်းရှိသော ကျွမ်းကျင်ပညာရှင်များအား မွေးထုတ်ပေးပါမည်။

မျှော်မှန်းချက်နှင့် အလုပ်အကိုင်လမ်းကြောင်း

ဘွဲ့ရပြီးနောက်တွင် ပြန်ပြည့်မြဲစွမ်းအင်အသစ် သို့မဟုတ် အရန်ဘက်ထရီများ၊ Photovoltaic ဓာတ်အားထုတ်လုပ်မှု၊ တစ်ပိုင်းလျှပ်ကူးပစ္စည်းနှင့် ဆက်စပ်သော လုပ်ငန်းနယ်ပယ်များနှင့် နည်းပညာသုတေသန သိပ္ပံများတွင် ဝင်ရောက်ပြီး အထူးပြုကျွမ်းကျင်မှု စွမ်းရည်များကို လက်တွေ့ပြသနိုင်မည်ဖြစ်ပါသည်။