20 ရာစုနှောင်းပိုင်းတွင် ကမ္ဘာတစ်ဝန်း ဇီဝနည်းပညာ လုပ်ငန်းနယ်ပယ် စတင်ပေါ်ပေါက်လာရာတွင် နိုင်ငံအဆင့် ယှဉ်ပြိုင်နိုင်စွမ်းဆိုင်ရာ အာမခံချက်ရှိစေရန် အစီအမံ၏ တစ်စိတ်တစ်ပိုင်းအနေဖြင့် ဇီဝနည်းပညာပိုင်း ပင်ကိုယ်အရည်အချင်းရှိသူများအား ပျိုးထောင်ပေးရန် ဇီဝ‌ဆေးသိပ္ပံ ဌာနကို 1989 ခုနှစ်တွင် စတင်တည်ထောင်ခဲ့ပါသည်။ 1995 ခုနှစ်တွင် ဘွဲ့လွန်ကျောင်းကို ထူထောင်ခဲ့သလို အရည်အချင်းမြင့်မားသူများစွာကို 22 နှစ်ကြာအောင် မွေးထုတ်ပေးနေပါသည်။ ဤကာလအတွင်း ကျွန်ုပ်တို့သည် အရည်အချင်းရှိသည့်ပုဂ္ဂိုလ် မြောက်များစွာကို မွေးထုတ်ပေးပြီးဖြစ်ပါသည်။
ဇီဝဆေးပညာဆိုင်ရာ နည်းပညာသည် အဆင့်မြင့်နည်းပညာကို လိုအပ်သော နယ်ပယ်တစ်ခုဖြစ်ပြီး မျိုးဗီဇပညာ၊ ကလာပ်စည်းဗေဒ၊ သန္ဓေသား‌လောင်းဗေဒ၊ ဇီဝဓာတုဗေဒ၊ မော်လီကျူးဇီဝဗေဒ စသည့် အခြေခံဘာသာရပ်များအပေါ် အခြေပြုထားပါသည်။ ကျွန်ုပ်တို့သည် မျိုးဗီဇကုထုံး နည်းပညာ ဖွံ့ဖြိုးတိုးတက်ရေး၊ ဗီဇကူးပြောင်းထားသည့် တိရစ္ဆာန်နှင့် အပင်များအား အသုံးပြုလျက် စိုက်ပျိုးရေးနှင့် မွေးမြူရေးထုတ်ကုန်များ ပိုမိုကောင်းမွန်လာရေး၊ ရှားပါးသော ဓာတ်ပစ္စည်းများအား အလုံးအရင်းထုတ်လုပ်နိုင်ရေး၊ မျိုးဗီဇဆိုင်ရာ ပြန်လည်ပေါင်းစပ်ထားသည့် အဏုဇီဝသက်ရှိများ ဖန်တီးရေး၊ ကင်ဆာတိုက်ဖျက်ရေး ဆေးဝါးများ ဖော်ထုတ်နိုင်ရေးတို့အတွက် လိုအပ်သော ဇီဝနည်းပညာ စွမ်းရည်များ ပိုင်ဆိုင်ထားသည့် ကျွမ်းကျင်ပညာရှင်များ ဖြစ်စေရန် လေ့ကျင့်သင်ကြားပေးနေပါသည်။